Kryeministri Boris Johnson ka porositur një rishikim për rregullin rreth largësisë 2 metra për distancën sociale, tha kancelari.
Rishi Sunak i tha BBC-së se qeveria do të shikonte në mënyrë “aktive” përsëri masën, duke pasur parasysh “ndikimin e saj” të madh në përfitimin e bizneseve.
Kancelari shtoi se ai do të donte ta shihte rregullin të relaksuar, nëse do të ishtë “i sigurt dhe i përgjegjshëm”.
Ish-drejtuesi konservator Sir Iain Duncan Smith tha se provat “tashmë tregojnë se është plotësisht e mundshme të kalosh në 1 metër”.
“Nëse vendet e tjera po e bëjnë atë me sukses, ne duhet të lëvizim tani,” shtoi ai.
Rishikimi, i cili u raportua për herë të parë në gazetën Mail on Sunday, do të marrë konfirmimin nga shkencëtarët dhe ekonomistët, konfirmoi z. Sunak.
Kuptohet që rishikimi do të synojë përsëri raportimin në 4 korrik, kur në Angli do të happen baret dhe restorantet./BBC
