Organizata e Veteranëve të Luftës së Ushtrisë Çlirimtare të Kosovës ka shprehur ngushëllime me rastin e vdekjes së ish-luftëtares së UÇK-së, Fetnete Ramosaj.
Në telegramin e ngushëllimit, thuhet se e ndjera gjithnjë ishte e palëkundur në idenë shqiptare dhe e palodhshme në luftën për liri e edukim brezash.
“Me dhembje të thellë mori lajmin për vdekjen e hershme të shkrimtares, publicistes dhe bashkëluftëtares sonë Fetnete Ramosaj. Ajo, gjithnjë ishte e palëkundur në idenë shqiptare dhe e palodhshme në luftën për liri e edukim brezash. I shprehim ngushëllime familjes, bashkëluftëtarëve, shokëve dhe miqve”, thuhet në ngushëllimin e OVL të UÇK-së.
