Sipas mediave këto të fundit ishin ‘Dëshmitare të Jehovait’ që besonin tek ringjallja. Por çfarë janë “Dëshmitarët e Jehoavait”?. Më poshtë jepen disa fakte për fenë që mund të mos i dini.
‘Dëshmitarët e Jehovait’ është tema që prej disa ditësh është kthyer në kryefjalën e mediave në vend pas ngjarjes së Kombinatit në Tiranë, ku u gjetën të pajetë nënë e bijë, Zhaneta dhe Anisa Josifi.
Sipas dëshmive të afërmëve të tyre dhe provave të gjetura në vendngjarje, nëna dhe dy vajzat e saj ishin ‘Dëshmitare të Jehovait’, të cilat besonin tek ringjallja. Por çfarë janë “Dëshmitarët e Jehoavait” dhe cilat janë disa fakte që nuk i dinim për ta.
Ata janë bamirës por nuk janë transparent
Organizata e Dëshmitarëve të Jehovait është një bamirësi e regjistruar, që do të thotë se ata nuk paguajnë asnjë taksë mbi të ardhurat. Nga 86,000 bamirësi të regjistruara në Kanada, ata renditen në vendin e 18-të me më shumë se 80 milion dollarë dhurime në vitin 2016. Charity Intelligence, një agjenci që monitoron bamirësitë në Kanada, bën me dije se ata nuk japin detaje për donacionet që bëjnë.
Ata nuk besojnë në shërbimin ushtarak, himnet kombëtar ose votimin
Dëshmitarët e Jehovait nuk ngrihen në këmbë për himnet kombëtar, nuk votojnë dhe nuk shërbejnë në ushtri. Pasuesit besojnë se besnikëria e tyre i përket vetëm Zotit.
Ata nuk i festojnë festat
Dëshmitarët e Jehovait nuk festojnë shumicën e festave ose ngjarjeve që nderojnë njerëzit që nuk kanë të bëjnë me Jezusin. Kjo përfshin ditëlindjet, Ditën e Nënës, Ditën e Shën Valentinit dhe Halloëeen-in. Ata gjithashtu nuk festojnë edhe festat fetare si Krishtlindjet dhe Pashkët me bindjen se këto zakone kanë origjinë pagane. Dëshmitarët e Jehovait thotë se “Krishtlindja nuk është aprovuar nga Zoti” sepse nuk ka asnjë provë që Jezusi lindi në 25 dhjetor dhe se simbolet e Krishtlindjes, përfshirë dritat dhe pemën, kanë rrënjë pagane. ”
Ata nuk pranojnë transfuzione gjaku
Dëshmitarët e Jehovait përmendin Testamentin e Vjetër dhe të Ri si bazë biblike për të refuzuar transfuzione. Ata thonë se: Ne shmangim marrjen e gjakut jo vetëm në bindje ndaj Zotit, por edhe nga respekti ndaj tij si Dhënësi i jetës.
Ata i shmangin ata që ndryshojnë rrugë
Prindërit, motrat, miqtë, që nuk kanë të njëjtin besim si ta, nuk kanë më asnjë lidhje dhe komunikim.
Ata kufizojnë kontaktin me ata që nuk janë Dëshmitarët të Jehovait
Dëshmitarët e Jehovait nuk kanë marrëdhënie me ata që nuk janë pjesë e besimit. Ata shihen si “shoqëri e keqe”. Dëshmitarët e Jehovait këshillohen të mos bashkohen me grupe ose njerëz jashtë besimit, të cilit ata i përkasin dhe gjithashtu dekurajohen nga arsimimi i lartë.
Ata besojnë se Satanai është i vërtetë dhe është këtu në Tokë
Dëshmitarët e Jehovait besojnë se Satanai kontrollon botën. Ai përdor fetë, qeveritë, organizatat tregtare dhe mediat për të mashtruar dhe korruptuar njerëzit. Profesori i Studimeve Teologjike të Universitetit Concordia, André Gagné thotë: Meqenëse qeveritë e kësaj bote nuk janë nën autoritetin e Zotit, Dëshmitarët e Jehovait nuk shohin asnjë arsye për t’u përmirësuar ose dorëzuar para autoriteteve të botës, përfshirë qeverinë, gjykatat dhe policinë, veçanërisht kur ligjet janë kundër bindjeve të tyre.
Ata besojnë se mëkatet kërkojnë dy dëshmitarë
Sipas tyre, për të njohur një ngjarje si mëkat duhet ta shoin më shumë se dy persona.
Ata besojnë se fundi është afër
Dëshmitarët e Jehovait besojnë se Armagedoni është i afërt. Feja më parë ka parashikuar edhe më parë fundin e botës. Ata i tregojnë si shenja që jemi prag apokalipsi konfliktet globale, ISIS-in dhe katastrofat natyrore.
Burimi:ctvnews.ca
