Shifrat e fundit nga NHS England zbuluan se trajtimet e planifikuara kanë rënë 82% nga 295.881 në majin e 2019 në 54.550 në maj të këtij viti.
Po ashtu sipas të dhënave numri i njerëzve që presin më gjatë se 18 javë për trajtim spitalor në Angli është tani pothuajse 1.45 milion – shifra më e lartë që nga viti 2007.
Vetëm 62.2% e njerëzve – sipas të dhënave të muajit maj – kanë realizuar takimet shëndetësore brenda 18 javësh, përkundër objektivit prej 95%.
Numri i njerëzve që duhet të presin më shumë se 52 javë për të filluar trajtimin në spital në Angli gjithashtu është rritur në 26.029 në maj të këtij viti, nga 1.032 në maj të 2019 dhe numri më i lartë për çdo muaj kalendarik që nga shtatori 2009.
Në kujdesin për kancerin, NHS humbi objektivin e saj për të filluar trajtimin, me 69.9% njerëz që filluan trajtimin brenda dy muajve nga referimi i mjekut të përgjithshëm – përqindja më e ulët që nga fillimi i regjistrave në tetor 2009.
Rreth 106.535 referime urgjente të kancerit u bënë nga mjekët në Angli në muajin maj, në raport me 200,599 pacientë në maj të 2019 – një rënie prej 47%, me ekspertë që fajësojnë ndikimin e Covid-19.
Referencat urgjente të kancerit të gjirit treguan një rënie edhe më të madhe: nga 15,802 në maj 2019 në 5,371 këtë maj, një rënie prej 66%.
Dhe më shumë se gjysmë milioni pacientë në Angli kanë pritur më shumë se gjashtë javë për një test kryesor diagnostik në maj, pasi ishin referuar nga një mjek i përgjithshëm./BBC
