Që nga dita e djeshme, udhëtarët që mbërrijnë në Mbretërinë e Bashkuar nga dhjetëra vende nuk kanë më nevojë të izolohen për dy javë. Kjo do të thotë që perspektiva e pushimeve jashtë vendit lëvizi me hapa përpara.
Lista e vendeve të përjashtuara nga rregulli i karantinës ndryshon në Skoci, pasi Spanja nuk është e përfshirë.
Si rezultat i mospërjashtimit të Spanjës në Skoci, linja ajrore Jet2 pezulloi të gjitha fluturimet e saj për në Spanjë nga Glasgow dhe Edinburgh.
Ndërkohë, kreu i kompanisë së udhëtimeve TUI duket optimist për pushimet. Ai mendon se turistët britanikë mund të presin që pushimet e tyre të jenë normale 85% deri 90%.
Andrew Flintham tha që udhëtarët do të duhet të ndjekin rregullat lokale të koronavirusit – por tha që ata “do të jenë në gjendje të shijojnë lehtësitë kryesore dhe gjërat që ata vërtet dëshironjnë”.
Kompania që nga kjo fundjavë po drejton një numër të kufizuar fluturimesh për në Ibiza, Lanzarote, Palma dhe Tenerife. Por, për shembull rregullat në ishujt Balearic, detyrjnë njerëzit të mbajnë maska në çdo kohë, përveç kur ndodhen në plazh, në pishina ose duke bërë sport./BBC
