Përdorimi i maskave në të gjithë botën është rritur që nga pandemia e koronavirusit.
Profesorja Trisha Greenhalgh nga Universiteti i Oksfordit, e cila argumentoi për përdorim të gjerë të mbulesave të fytyrës në prill, tha sot në programin BBC Radio 4, se shumica e shkencëtarëve “tani janë bindur nga provat” që mbajtja e maskave në vende të mbushura me njerëz mund të zvogëlojë transmetimin.
E pyetur në lidhje me sugjerimin që maskat në fytyrë u sjellin dobi të tjerëve më shumë sesa personi që e mban, ajo shtoi: “Mbajtja e maskave për fytyrën e parandalon, por nuk mbron shumë. E thënë në përgjithësi, nëse unë mbaj maskë, ajo mund të të mbrojë ty 80%, por mua mund të më mbrojë 20% ose 30%.”, tha profesorja Greenhalgh.
“Ka pak mbrojtje për personin që mban maskën e fytyrës, por nuk është pothuajse aq sa mbron njerëzit e tjerë nga pikat që dalin nga goja e personit.”
Ajo shtoi se “sigurisht” mban maskë nëpër dyqane, pasi ato janë “më të rrezikshme për sa i përket asaj që ne e quajmë transmetim ajror”./BBC
