Kryeministri Jean Castex tha se Franca po vëzhgon me vëmendje Spanjën pasi fqinji i saj jugor po përjeton shpërthime të Covid-19 vetëm disa javë pasi u rihap kufiri mes dy vendeve.
Zyrtarët shëndetësorë spanjollë po monitorojnë më shumë se 150 shpërthime në të gjithë vendin. Por, është rajoni verilindor i Katalonjës që po sheh numrin më të madh të infeksioneve.
Katër milion njerëzve në Barcelona u është kërkuar të qëndrojnë në shtëpi përveç udhëtimeve të nevojshme për 15 ditët e ardhshme. Fundjavën e kaluar, banorët në rrethin e Segrià në Katalonjën perëndimore iu tha që të qëndronin brenda dhe shpërthimi më pas u përhap në L’Hospitalet de Llobregat, një qytet pikërisht në jugperëndim të Barcelonës.
“Ne po e monitorojmë shumë nga afër, këtu veçanërisht, sepse është një çështje që ne duhet ta diskutojmë me autoritetet spanjolle,” tha Castex në përgjigje të një pyetjeje në lidhje me mbylljen e mundshme të kufijve.
Kufiri u rihap për publikun më 21 qershor.
Më shumë se 30,000 njerëz kanë vdekur nga koronavirusi në Francë, ndërsa 28.420 kanë vdekur në Spanjë./BBC
