Ekziston një mungesë e qartësisë në rregullat e reja lokale të bllokimit që po vendosen për West Yorkshire, tha një deputet që përfaqëson një zonë të prekur.
Mbrëmë, sekretari shëndetësor Matt Hancock tha që pas një rritjeje në rastet e koronavirusit në Bradford, Calderdale dhe Kirklees, këto zona do t’i nënshtrohen rregullave shtesë.
Por, Holly Lynch, deputetja Laburiste për Halifax. ka kritikuar dhënien e njoftimit duke thënë se kishte mungesë qartësie.
Ajo tha: “Unë po i bëj thirrje qeverisë që të sigurojë sa më shpejt të jetë e mundur më shumë informacion dhe qartësi të mëtejshme në lidhje me këto ndryshime të reja.
“Njerëzit e kuptojnë seriozitetin e situatës, por ka disa paqartësi dhe mospërputhje në këtë informacion.”
Sipas udhëzimeve të qeverisë, nga mesnata, njerëzit që jetojnë në zonat e prekura nuk mund të vizitojnë shtëpi të tjera, por mund të takohen me njerëz në hapësira të jashtme si parqet publike./BBC
