Ylli portugez Cristiano Ronaldo pritet të mbetet te Juventusi edhe në sezonin e ri. Sulmuesi portugez pasi të shtunën festoi titullin kampion me “Zonjën e Vjetër” ka bërë të ditur se e dëshiron titullin e tretë me klubin italian.
“I lumtur të fitoj dy nga nëntë trofetë e Serie A me Juventusin. Duket e lehtë por nuk është. Vit pas viti me talente dhe punë të pandalshme mund të bëhesh gjithmonë më i mirë. Tani le të mendojmë për titullin e tretë”, shkroi Ronaldo në profilin e tij në Instagram.
35-vjeçari ishte lojtari kryesor këtë sezon te Juventusi duke e mbyllur sezonin në Serie A me 31 gola në 33 ndeshje të luajtura. Ronaldo ka kontratë me ekipin torinez deri në vitin 2022. Ylli portugez te “Zonja e Vjetër” u transferua në vitin 2018 nga Real Madridi për 110 milionë euro.
