Australia filloi debatin mbi domosdoshmërinë për vendin për të bërë të detyrueshme vaksinën e ardhshme kundër koronavirusit, ndërkohë që kontaminimet janë në rritje dhe kufizimet janë shtuar në botë.
“Ka gjithmonë ka përjashtime nga vaksinimi, për arsye mjekësore, por kjo duhet të jetë e vetmja”, deklaroi kryeministri Scott Morrison.
“Vaksinimi duhet të jetë i detyrueshëm”, shtoi ai.
Vendi i tij ka siguruar një vaksinë “premtuese” falë një marrëveshjeje me grupin farmaceutik suedezo-britanik AstraZeneca.
“Ne po flasim për një pandemi që ka shkatërruar ekonominë botërore dhe ka shkaktuar qindra mijëra të vdekur në botë”, theksoi ai.
Në SHBA, mjeku Anthony Fauci, drejtor i Institutit amrikan për sëmundjet infektive, theksoi se SHBA-ja nuk do ta bënte të detyrueshme vaksinën e ardhshme, duke mos përjashtuar detyrimet lokale për fëmijët.
“Nuk mund t’i detyrojmë, apo të përpiqemi të detyrojmë njerëzit të vaksionohen, nuk e kemi bërë kurrë”, deklaroi Fauci gjatë një videokonference të organizuar nga Universiteti George Washington.
Përballë shifrave shqetësuese dhe kontaminimeve në rritje, kufizimet janë ashpërsuar në mbarë planetin.
