Presidenti amerikan Donald Trump pranoi zyrtarisht emërimin nga kongresi republikan për të kandiduar për një mandat të dytë në Shtëpinë e Bardhë.
Gjatë fjalës së tij, Donald Trump tha Joe Biden do të “shkatërrojë” ëndrrën amerikane nëse fiton zgjedhjet presidenciale në nëntor.
Ai e përshkroi kundërshtarin e tij si “shkatërruesin e madhështisë amerikane”.
Në sondazhe, Biden ka një epërsi të qëndrueshme ndaj Trump.
Përveç fjalimit të tij të drejtpërdrejtë nga Shtëpia e Bardhë dhe atij të mërkurën në mbrëmje nga qyteti Baltimorë i Nënpresidentit Mike Pence, kuvendi ka qenë kryesisht virtual, ashtu si ai i demokratëve një javë më parë.