Organizata Botërore e Shëndetësisë ka kërkuar nga shtetet të jenë të matura me lehtësimet për të tejkaluar koronavirusin, ka bërë të ditur drejtori i përgjithshëm Tedros Adhanom Ghebreyesus të hënën, duke thënë se hapja e pa kontroll mbi virusin do të ishte “rrugë për shkatërrim”.
Tedros ka thënë se e kupton që shumë njerëz janë lodhur nga masat dhe dëshirojnë t’i kthehen normalitetit pas tetë muajsh përballje me virusin.
“Ne duam që t’i shohim fëmijët që kthehen në shkolla dhe njerëzit në vendet e punës, por duam që ta shohim këtë teksa bëhet në mënyrë të sigurt”, ka thënë Tedros në një konferencë për media. “Asnjë shtet s’mund të pretendojë se pandemia ka përfunduar. Realiteti është se virusi shpërndahet shpejt. Hapja e pa kontroll është rrugë për shkatërrim”.