I dyshuari për vrasjen me thikë të një të riu dhe plagosjen e 7 të tjerëve natën midis të shtunës dhe të dielës në qendër të Birminghamit, është arrestuar.
Lajmi u konfirmua nga Steve Graham, kryeinspektor i policisë lokale, duke deklaruar se arrestimi i një 27-vjeçari u bë në 4 të mëngjesit dhe se ftesa për të gjithë dëshmitarët që të paraqiten për të konfirmuar njohjen e sulmuesit mbetet e vlefshme.
Të dielën në mbrëmje, Policia e West Midlands kishte lëshuar një video me imazhet e të kërkuarit. Ai akuzohet për vrasje dhe vrasje të mbetur në tentativë.
Ngjarja ndodhi në katër episode. Një goditje e parë me thikë u raportua pak pas mesnatës në zonën e Snoë Hill, e ndjekur nga një përplasje midis dy grupeve të të rinjve në Qendrën Arcadian (një zonë që përfshin klubet e natës, restorantet dhe pub-et) dhe sulme të tjera midis “Livery Street, Irving Street dhe Hurst Street”, në qendër të qytetit.
