Ministria e Diasporës dhe Investimeve Strategjike, nën patronazhin e Kryeministrit të Republikës së Kosovës, nga data 3 deri më 6 maj 2019 organizon “Ditët e Arbëreshëve në Kosovë”.
Dje dhe sot dy grupe të arbëreshëve janë nisur për në Kosovë, ku do të marrin pjesë në aktivitete të ndryshme.
Sot, më 3 maj, grupi i arbëreshëve do të takohet me ministrin e Mbrojtjes, Rrustem Berisha (13:00 dreka me ushtarë).
Ndërkaq, në orën 15:00, në Kuvendin e Republikës së Kosovës, në sallën e seancave plenare, për nder të tyre do të mbahet mbledhje e veçantë.
Këto grupe të arbëreshëve të Italisë do të bëjnë homazhe tek varri i Presidentit Ibrahim Rugova dhe në kompleksin memorial “Adem Jashari” në Prekaz.
Më pastaj do të vizitojnë edhe Bashkësinë Islame të Kosovës dhe Katedralen “Nënë Tereza” në Prishtinë.
E në ditën e fundit do të vizitojnë qendrën historike të Prizrenit për tu nisur më pas për në Itali.
