Lëvizja Vetëvendosja ka organizuar një protestë në bulevardin “Dëshmorët e Kombit” kundër ardhjes së Presidentit të Serbisë Aleksandar Vuçiq dhe atij të Republikës Serbe Millorad Dodik në Republikën e Shqipërisë.
Protestuesit e Lëvizjes Vetëvendosja, kanë tentuar të thyejnë kordonin e policisë.
Policia iu ka bërë me dije protestuesve të Lëvizjes Vetëvendosja se tubimi i tyre është i paligjshëm.
Por protesta ka vazhduar e qetë deri në përfundim të saj, ku janë mbajtur fjalime kundër ardhjes së udhëheqësve serbë në Tiranë.
