Kosova lëvron 12 milionë euro për bujqësinë pavarësisht krizës së Covid-19.
Kjo është shifra e publikuar nga ish ministri i Bujqësisë Edmond Panariti.
Përmes një postimi në Facebook, Panariti shprehet se: “Kjo masë i shtohet subvencioneve kosovare të bujqësisë , të cilat për këtë vit janë gati trefish më të larta se te ne veçanërisht për blegtorinë dhe bletarinë”.
Postimi i plotë:
Kosova 12 milionë euro për Bujqësinë gjatë pandemisë, ndërsa te ne zero mbështetje.
Dje qeveria e Kosovës, livroi plot 12 milionë euro për mbështetje direkte të Bujqësisë atje. Kjo ishte pjesa që ju kushtua Bujqësisë nga paketa 87 milionë euro për mbështetje të ekonomisë dhe shtresave në nevojë gjatë pandemisë.
Kjo është përgjegjshmëri dhe ky është patriotizëm.
Sepse kjo masë, i shtohet subvencioneve kosovare të bujqësisë , të cilat për këtë vit janë gati trefish më të larta se te ne veçanërisht për blegtorinë dhe bletarinë.
Shqiperia mbetet i vetmi vend, i cili nuk i dha fermerit asnjë qindarkë mbështetje financiare, ndërkohë që e takson më shumë se çdo vënd në rajon..
Prandaj Bujqësia dhe fermeri te ne, janë në krizë dhe në prag falimenti.
