Profesori i London School of Economics and Political Science (LSEE), James Ker-Lindsay, i cili është njohës i zhvillimeve politike në rajonin e Ballkanit Perëndimor dhe në përgjithësi zhvillimeve politike që ndërlidhen me sigurinë, ka folur rreth marrëveshjes së Washingtonit mes Kosovës dhe Serbisë dhe ndikimit të saj në aleancat e Beogradit me Moskën dhe Pekinin.
Lindsay teksa ka ndarë eksperiencën e tij në Qipro, thotë se marrëveshjet për krijimin e mirëbesimit s’kanë ndonjë ndikim të madh, ndërkohë shton se edhe strategjia e BE’së “pak nga pak” mund të zvarris procesin me vite.
Prandaj Lindsay thotë se do të ishte ishte shumë më mirë që të ketë shtytje të palëve drejt një marrëveshjeje finale që si rezultat do të ketë njohjen reciproke dhe anëtarësimin e Kosovës në Organizatën e Kombeve të Bashkuara.
Ker-Lindsay: Në përgjithësi, nuk isha i mahnitur me marrëveshjen. U ndjeva sikur ajo ofroi shumë pak të reja. Vërtet, sipas meje, ishte pak më shumë se një veprim për marrëdhënie me publikun për t’ia rritur gjasat për rizgjedhje z.Trumpit në kohën kur po shkojmë drejt zgjedhjeve presidenciale në nëntor.
Shumica e të ashtuquajturës marrëveshje ishte thjesht një listë dëshirash e kërkesave të Shteteve të Bashkuara ndaj Rusisë, Kinës dhe Iranit. Për më tepër, përfshirja e Izraelit në marrëveshje dhe konfirmimi se Beogradi dhe Prishtina do të kenë ambasada në Jerusalem në fakt kanë krijuar ndërlikime të të reja të konsiderueshme për Kosovën dhe Serbinë.
Ker-Lindsay: Në këtë fazë, është vështirë të thuhet. Vërtet nuk jam i sigurt aq shumë se marrëveshja në fakt do të zbatohet në fund dhe nuk jam i sigurt nëse dikujt i intereson shumë nëse ajo zbatohet apo jo. Përsëri, ajo ishte më shumë për fushatën zgjedhore sesa për gjithçka tjetër.
Ker-Lindsay: Ka prirje të jetë kjo pikëpamje se Serbia është tërësisht në xhepin e Moskës. Nuk është ashtu. Historikisht, në fakt mes Serbisë dhe Rusisë ka shumë më shumë mosbesim sesa shumë njerëz e kuptojnë. Serbia nuk është përafërsisht aq pro-ruse sa shumë njerëz besojnë.
Sidoqoftë, për aq gjatë sa Serbia konsideron që çështja e Kosovës është e pazgjidhur, ajo ka nevojë për përkrahjen e Rusisë në Këshillin e Sigurimit. Kjo është diçka që i jep Rusisë përparësi ndaj Beogradit. Pra, unë nuk mendoj se kjo do të ketë një efekt vendimtar.
Meqë ra fjala, vlen gjithashtu të përmendet se gjendja e tanishme i jep Moskës përparësi efektive për të ardhmen e Kosovës. Shpresat e Kosovës për sigurim të pranimit të plotë ndërkombëtar dhe anëtarësim në OKB kontrollohen nga Rusia. Kjo nuk do të ndryshojë deri të ketë një marrëveshje gjithëpërfshirëse përfundimtare mes Serbisë dhe Kosovës. /exp/