Mbledhja e përbashkët e Qeverisë së Shqipërisë dhe asaj të Kosovës do të mbahet sot në Tiranë duke filluar nga ora 11:30.
Pas mbledhjes, në orën 12:45 pritet të mbahet ceremonia e nënshkrimit të marrëveshjeve ndërqeveritare mes Kosovës dhe Shqipërisë.
Ndërkaq më pas, kryeministri i Kosovës, Avdullah Hoti dhe kryeministri i Shqipërisë, Edi Rama, do të mbajnë konferencë të përbashkët për shtyp, e cila fillon në orën 13:00.
