Qeveria franceze ka vendosur kufizime më të rrepta në katër qytete të tjera me norma të larta infektimi, pasi një numër vendesh evropiane shohin një rritje të rasteve.
Qytetet Lyon, Lille, Grenoble dhe Saint-Etienne do të bëhen zona të alarmit maksimal nga e Shtuna.
Baret dhe restorantet do të duhet të mbyllen, siç bënë në Paris në fillim të kësaj jave dhe Marseille muajin e kaluar.
Masat u njoftuan ndërsa Franca pa pothuajse një rekord rastesh të reja, 18,129.
“Situata është përkeqësuar në disa metropole në ditët e fundit, çdo ditë, gjithnjë e më shumë njerëz infektohen”, tha Ministri Francez i Shëndetësisë Olivier Veran në një konferencë shtypi të Enjten.
Niveli i alarmit maksimal të Francës hyn në fuqi kur shkalla e infeksionit në një lokalitet tejkalon 250 infeksione për 100,000 njerëz dhe të paktën 30% e shtretërve të kujdesit intensiv janë të rezervuara për pacientët Covid-19.
Spitalet në rajonin e Parisit u zhvendosën në modalitetin e urgjencës të Enjten, pasi pacientët me koronavirus morën pothuajse gjysmën e shtretërve të kujdesit intensiv.
Situata e koronavirusit të Francës pasqyron atë të vendeve të tjera evropiane, përfshirë Holandën, Poloninë, Ukrainën dhe Republikën Çeke, të cilat raportuan të gjitha rritje rekord në rastet ditore të Enjten.
Edhe Gjermania, një histori relativisht e suksesit të pandemisë në Evropë, ka filluar të shohë atë që ministri i saj i shëndetësisë e ka quajtur një rritje shqetësuese të rasteve.