Një çift serb nga Shkupi, të dielën, u kurorëzua në Manastirin e Graçanicës.
Sipas bashkëshortit, Sasha Bogdanoviq, që është kryetar i komunës Qendër në Shkup, këtu nisi dashuria e tyre dhe këtu deshën ta përjetësojnë atë me bekimin e kishës.
Por, nuk ishte thjeshtë një martesë. Në një reportazh të televizionit serb “TV Prva” të transmetuar sot në mëngjes, çifti, bajraktari por edhe pjesëmarrësit tjerë fyen Kosovën dhe shqiptarët, duke e quajtur këtë vend “tokë serbe”.
Madje, në një rast, autori i reportazhit duke dashur të tregojë se bajraktari e ka sjell flamurin serb nga Shkupi, tha “e solli nga njëra anë në tjetrën të Serbisë së vjetër” .
Bashkëshorti, Sasha Bogdanoviq, u shpreh në baza nacionaliste, se “duhet luftuar për gjeneratat e ardhshme, duke i mbrojtur tokat serbe”, kurse nusja, Jelena Braunoviq, shprehu nacionalizimin e saj me këngën, po ashtu nacionaliste “Oj Kosovë, toka ime e dashur”.
Bogdanoviq është pjesë e partisë së kryeministrit Zoran Zaev, LSDM.
Shkupi është i ndarë në disa komuna dhe Bogdanoviq e udhëheq një prej tyre.
