rajneri i Juventusit, Andrea Pirlo e ka lartësuar Cristiano Ronaldon si një kampion të lindur që është shembull për të gjithë, pas fitores 2:0 që sulmuesi portugez ia siguroi skuadrës së tij me dygolësh kundër Cagliarit.
Ronaldo shënoi dy herë brenda katër minutave në pjesën e parë duke e çuar në tetë numrin e përgjithshëm të golave personale në gjashtë paraqitje në të gjitha garat.
Me këtë, Ronaldo u bë lojtari i parë i Juventusit që shënon gol në secilën prej pesë ndeshjeve të para në Serie A brenda një sezoni në epokën e tri pikëve për fitore.
Ai i shënoi dy golat kundër Cagliarit pas pesë tentimeve dhe për më tepër i krijoi tri mundësi për bashkëlojtarët e vet, gjë që e nxiti trajnerin Pirlo ta lavdërojë.
“Ai është profesionist i madh, siç e dimë. Ai është kampion i mirëfilltë dhe shembull për të gjithë që e rrethojnë në ndeshje dhe në stërvitje”, tha Pirlo.
“E vetmja këshillë që ia jap është të vazhdojë në këtë mënyrë”, shtoi ai.
