Borussia Dortmundi e Lazio kanë fituar bindshëm duke iu afruar kështu fazës nokaut të Ligës së Kampionëve.
Dortmundi triumfoi 3:0 në shtëpi ndaj Brugges. Erling Braut Haaland (18’, 60’) dhe Jadon Sancho (45+1’) realizuan për Dortmundin.
Lazio fitoi 3:1 në Romë ndaj Zenit St. Petersburgut. Ciro Immobile (3’, 55’ penallti) dhe Marco Parolo (22’) shënuan për Lazion, ndërsa Artem Dzyuba (25’) për Zenitin. Nga minuta e 81-të për Lazion u inkuadrua Vedat Muriqi.
Dortmundi pas 4 xhirove në Grupin F zë vendin e parë me nëntë pikë, Lazio zë vendin e dytë me tetë pikë, ndërsa Brugge është i treti me 4 pikë. Zeniti zë vendin e fundit me një pikë.
