Pasardhësi i Skënderbeut, Loris Castriota Skanderbegh, nepërmes një postimi në faqen e tij në facebook, ka qenë kritik në lidhje me aparencën e statujes së heroit tonë kombëtar Gjergj Kastriotit e cila u vendos në Prizren me 28 Nëntor me rastin e festës së pavarësisë.
“Unë pashë fotot e statujës kushtuar Gjergj Kastrioti e cila u përurua disa ditë më parë në Prizren.Unë vlerësoj qëllimet e mira të organizatorëve të nismës, por më vjen keq që duhet të shpreh një mendim negativ! Nuk më pëlqen statuja. Eshtë e shëmtuar dhe duket më shumë si një kukull sesa një monument që dëshiron të festojë kujtimin e heroit më të madh të Shqipërisë! Unë e respektoj punën e artistit, të cilën nuk e njoh, por statuja është e shëmtuar! Nuk është çështje shijeje: jo vetëm per mua, por edhe shumë shqiptarëve nuk u pëlqen! Ka shumë artistë të tjerë që kanë bërë statuja shumë të bukura të Skënderbeut: a nuk ishte më mirë t’u kerkohej atyre?Po mendoj, për shembull, për bustin monumental të Gjergj Kastriotit, të bërë nga artisti i talentuar Fiqiri Kasa, të cilin e pashë dy vjet më parë në parkun e Labinot-Fushës, në Shqipëri. Kur bëhet fjale për një hero të madh, do te duhej te krijohej një juri e cila të vlerësojë projekte të ndryshme, për të zgjedhur ne fund atë që ju pëlqen më shumë!”
