Natën e shkuar, Boris Johnson ka sinjalizuar se është gati të heqë dorë nga bisedimet Brexit, nëse BE nuk heq kërkesat “qesharake”.
Boris ka lajmëruar të dërguarin e tij, Lord Frost se nuk do nënshkruajë asnjë marrëveshje që lidh Britaninë me ligjet e ardhshme të Brukselit.
Sipas dosjes së shënuar si “sekret zyrtar” zbulohet se po hartohet një listë për “rastin më të keq” që mund të prekë Mbretërinë e Bashkuar në rast të “daljes nga Brexit pa marrëveshje”.
Në të përfshihet një mungesë e furnizimit me ilaçe dhe karburant, rritje e rrezikut të terrorizmit dhe mosmarrëveshje për tarifat kufitare.
Sipas memorandumit, disa ministra të Kabinetit mbetën nervozë për ndikimin e Mosmarrëveshjes në Britani, ndërsa kjo lufton me shkatërrimet ekonomike të shkaktuara gjatë pandemisë. Gjithashtu, një burim tregon për Daily Mail se “mundësia e kaosit në kufi është nënvlerësuar në mënyrë të konsiderueshme nëse bisedimet prishen”.
