Ambasadorja amerikane në Shqipëri Yuri Kim ka përshëndetur ngritjen e Gjykatës Kushtetuese.
Kim e ka cilësuar emërimin e Kalos si gjyqtarin e fundit të GJK si një hap gjigand, ndërkohë që ka shtuar se vendi ka plotësuar një nga dy kushtet për hapjen e negociatave me BE.
“Lajm i madh: Presidenti Ilir Meta ka dekretuar Përparim Kalon si gjyqtarin e gjashtë të Gjykatës Kushtetuese. Sapo Kalo të bëjë betimin nesër do të ketë kuorum. Shqipëria do ta mbyllë vitin 2020 me një Gjykatë Kushtetuese funksionale, pas thuajse 3 viteve pa të. Presidenti dhe Parlamenti kanë një meritë të madhe.
Ky ishte një rezultat i lëvizjes urgjente nga liderat në një linjë me opinionin e Komisionit të Venecias. Me një Gjykatë Kushtetuese Funksionale, Shqipëria plotëson një nga dy kushtete për hapjen e negociatave me BE. Ky është një hap gjigand përpara. Urime qytetarëve të Shqipërisë. Të vazhdojmë të ecim përpara!” thotë Kim.
