Ministrja e Punëve të Jashtme, Meliza Haradinaj-Stublla ka nisur vizitën zyrtare në Turqi me homazhe tek varri i presidentit historik Mustafa Kemal Ataturk.
Kryediplomatja kosovare ka vendosur kurora lulesh tek memoriali i Ataturkut.
“Fillova vizitën zyrtare në Turqi duke bërë homazhe tek figura dhe themeluesi i Turqisë modern dhe trashëgiminë e presidentit historik, Mustafa Kemal Ataturk. Duke marrë pjesë në një ceremoni të vendosjes së kurorave në Mauzoleun madhështor Anitkabir këtë mëngjes”, ka shkruar Haradinaj-Stublla.
