Tani që vaksinat për Covid-19 po përhapen në shumë vende të botës, njerëzit kanë nisur të ëndërrojnë dhe planifikojnë për kohën kur mund të udhëtojnë, të organizojnë festa, apo të shohin një film në kinema.
Por për të bërë këto aktivitete, përfundimisht mund t’ju duhet diçka tjetër përveç vaksinës: një pasaportë vaksine.
Disa kompani dhe grupe teknologjike kanë filluar zhvillimin e aplikacioneve për smartphone ku mund të ngarkoni testet dhe vaksinimet e tyre për Covid-19, duke krijuar kode (letra kredenciale) me të cilat mund të hyni në koncerte, stadiume, kinema, zyra, apo edhe vende .
“The Common Trust Network”, një iniciativë nga organizata jofitimprurëse me bazë në Gjenevë, ka partneritet me disa linja ajrore përfshirë Cathay Pacific, JetBlue, Lufthansa, Swiss Airlines, United Airlines dhe Virgin Atlantic, si dhe qindra sisteme shëndetësore në të gjithë Shtetet e Bashkuara.
Aplikacioni CommonPass i krijuar nga kjo organizatë, lejon përdoruesit të ngarkojnë të dhëna mjekësore të tilla si një rezultat i testit Covid-19 ose një provë e vaksinimit nga një spital ose profesionist mjekësor, duke gjeneruar një certifikatë shëndetësore ose të kalojë në formën e një kodi QR, që mund t’u tregohet autoriteteve pa zbuluar informacione delikate. Për udhëtime, aplikacioni rendit kërkesat e pasaportës shëndetësore në pikat e nisjes dhe mbërritjes bazuar në itinerarin tuaj.
“Ju mund të testoheni sa herë që kaloni një kufi. Ju nuk mund të vaksinoheni sa herë që kaloni një kufi,” tha për CNN Business Thomas Crampton, drejtori kryesor i marketingut dhe komunikimit për Projektin Commons. Ai theksoi nevojën për një grup kredencialesh të thjeshta dhe lehtësisht të transferueshme, ose një “karton të verdhë digjital”, duke iu referuar dokumentit të letrës së lëshuar përgjithësisht si provë vaksinimi.
Në një përpjekje për të adresuar një sfidë rreth kthimit në normalitet pasi vaksinat janë shpërndarë gjerësisht, zhvilluesit tani mund të duhet të përballen me sfida të tjera, duke filluar nga çështjet e privatësisë te përfaqësimi i efektivitetit të larmishëm të vaksinave të ndryshme.
CommonPass, IBM dhe Fondacioni Linux kanë theksuar të gjithë privatësinë si thelbësore për iniciativat e tyre.
IBM thotë se lejon përdoruesit të kontrollojnë dhe të japin pëlqimin për përdorimin e të dhënave të tyre shëndetësore dhe i lejon ata të zgjedhin nivelin e detajeve që duan të ofrojnë tek autoritetet.
