Nënkryetari i LSI-së, Petrit Vasili ka reaguar me anë të një postimi në Facebook në lidhje me çështjen e detit, pas deklaratave të Kryeministrit se nuk është arritur asnjë marrëveshje me Greqinë, ndaj do shkojnë në gjyq.
Vasili e cilëson Kryeministrin Rama si ‘trafikanti i detit’ teksa thekson se ky i fundit do që t’i japë Greqisë atë, që ajo nuk e mori dot me asnjë Kryeministër tjetër shqiptar.
Reagimi i plotë i Vasilit:
Trafikanti i detit Rama do që ti japë Greqisë atë, që ajo nuk e mori dot me asnjë Kryeministër tjetër shqiptar
Sot edhe shqiptari më i fundit e ka të qartë se qeveria e këtij vendi është në duart me të këqija të një trafikanti të detit të Shqipërisë. Sot në krye të qeverisë është një tradhtar, që e bën avokatinë e Greqisë më mirë dhe më me merak se Greqia vetë.
Sot në krye të qeverisë është një mashtrues ordiner, qe gënjen edhe për ato që provohen sheshit.
Trafikanti i detit thotë se: “Shqipëria dhe Greqia nuk kanë arritur asnjë marrëveshje ndaj do shkojnë në gjyq. As pala greke s’kishte çfarë kontestonte atëherë, as ne s’kemi çfarë kontestojmë sot tek vendimi i Greqisë”!
Trafikanti që shet detin e Shqipërisë:
Përse nuk u tregon shqiptarëve marrëveshjen, që nuk u arrit me Greqinë?Përse nuk tregon se për çfarë nuk u ra dakord? Përse nuk u tregon se me çfarë marrëveshje do të shkojë në Gjykatën ndërkombëtare? Përse Greqia për herë të parë dhe vetëm me ketë kryeministër trafikant shpall shtrirjen me 12 milje, qe nuk kishte guxuar ta bënte kurrë më parë dhe me asnjë kryeministër shqiptar tjetër?
Përse nuk i informoi publikisht shqiptaret, që marrëveshja me Greqinë dështoi ashtu siç i njoftoi qe ishte shume afër një marrëveshjeje dhe thuajse gati për tu nënshkruar me kryeministrin grek Tsipras?
Përse nuk njoftoi Presidentin e Shqipërisë, qe ka autorizuar dhënien e Plotfuqisë për nisjen e negociatave për marrëveshjen me Greqinë, se marrëveshja dështoi se bashku me arsyet e këtij dështimi?
Përse trafikanti i detit e ” harroi” dhe nuk e zë me gojë më Vendimin e Gjykatës Kushtetuese, por bën me një zell prej bastardi vetëm avokatin e Greqisë për 12 miljet?
Përse nuk tregon pazarin, qe beri me Greqinë ne verën e këtij viti dhe qe i hapi rrugën dekretit grek për 12 miljet, dekret te cilin Greqia nuk kishte guxuar ta nxirrte kurrë me pare me ndonjë kryeministër tjetër te Shqipërisë?
Tradhtia është shume e qarte dhe belbëzimet prej rrugaçi te dehur te këtij kryeministri trafikant kufijsh nuk e shpëtojnë dot atë.
Ky bandit politik shkon me iluzionin se do te përdorë Gjykatën Ndërkombëtare si alibi për shitjen e detit të Shqipërisë, pasi dihet botërisht që çdo veprim i këtij ka qenë në dëm të interesave kombëtare të vendit. Detin e Shqipërisë nuk e shet dot ky trafikant i mjerë sepse shqiptarët kanë ditur dhe dinë t’i mbrojnë kufijtë siç ka ditur tu tregoje shumë ashpër vendin tradhtarëve si puna e këtij.
