Çështja e bustit të Winston Churchill po vazhdon ende të jetë konfuze dhe e diskutueshme brenda Shtëpisë së Bardhë.
Presidenti Joe Biden e ka hequr atë nga Zyra Ovale pas katër vjet qëndrimi me roje gjatë pushtetit të paraardhësit të tij, i cili mendoi se ai dukej si kryeministër i kohës së luftës.
Një ridizajnim i Zyrës Ovale solli buste të reja: Udhëheqësi latin i të drejtave civile Cesar Chavez, Martin Luther King Jr., Robert F. Kennedy, Rosa Parks dhe Eleanor Roosevelt.
Në një epokë tjetër, i njëjti vendim shkaktoi protesta. Konservatorët amerikanë dhe madje disa politikanë britanikë deklaruan se ajo ishte një mospërfillje e madhe.
Mike Huckabee, ish-guvernatori i Arkansas, tha se kjo ndodhi për shkak se presidenti Barack Obama “ndoshta u rrit duke dëgjuar se britanikët ishin një bandë imperialistësh që persekutuan gjyshin e tij”.
Ndërsa, senatori Ted Cruz pretendoi se vendimi i dekorimit “paralajmëronte gjithçka që do të vinte në gjashtë vitet e ardhshme”.
Po ashtu, edhe tabloidët britanike shkruan se Chuchill u injorua. “The Sun” shkroi në titull “Shpërfillja e Churchill”.
“Joe Biden HEQ me tërbim bustin e heroit tw Boris Johnson, Winston Churchill, nga Zyra Ovale”, shkroi Daily Mail derisa “Mirror” tha se “ai s’është askund ku shihet”.
Biden kishte thënë për Johnson se ai është një “klon i Trump”.
