Gjermania pritet që t’ua ndalojë hyrjen udhëtarëve nga Britania e Madhe, Portugalia, Brazili dhe Afrika e Jugut nga frika e shpërndarjes së varianteve të reja të koronavirusit.
Ministria e Punëve të Brendshme në Gjermani ka paralajmëruar se vendimi do të merret me qëllim të mbrojtjes së qytetarëve të vendit.
Ndërkaq, Belgjika ua ka ndaluar shtetasve të saj pushimet jashtë vendit deri në muajin mars, me qëllim që të parandalohet përhapja e madhe e koronavirusit.
Shtetet e tjera të Bashkimit Evropian kanë refuzuar masat e ashpra, siç janë ndalimi i udhëtimit dhe hyrjeve.
Ministria e Brendshme gjermane ka njoftuar se do t’i çojë përpara planet e saja edhe nëse shtetet e tjera të BE-së nuk pajtohen me këto masa.
Transporti i mallrave dhe pajisjeve mjekësore nuk do të preken nga masat që do të diskutohen së shpejti nga Qeveria gjermane.
