Më shumë se 5 000 persona u arrestuan në demonstrata në të gjithë Rusinë në mbështetje të liderit të opozitës Alexei Navalny, deklaruan aktivistët për të drejtat e njeriut.
Numri i njerëzve të marrë në paraburgim gjatë kësaj fundjave të dytë të protestave masive në favor të Navalny ishte i barabartë me atë të një jave më parë, duke treguar edhe vendosmërinë e protestuesve dhe vendosmërinë e autoriteteve ruse për të goditur ata.
”Më shumë se 1 000 persona u arrestuan vetëm në Moskë”, sipas portalit OVD-Info, i cili monitoron zbatimin e ligjit në Rusi.
Në Shën Petërburg, qyteti i dytë më i madh i Rusisë dhe qyteti i lindjes së presidentit Vladimir Putin, numri ishte mbi 860.
”Në më shumë se 50 qytete të tjerë u panë protestuesit e arrestuar”, sipas OVD.
Aktivistët e të drejtave të njeriut dënuan taktikat e ashpra të policisë kundër protestuesve, duke përfshirë përdorimin e armëve tronditëse, gazit lotsjellës dhe dhunës fizike.
