Një avion ushtarak gjerman “Luftwaffe” u ngrit sot nga baza ajrore Wunstorf në perëndim të Hanoverit për në Lisbonë, me në bord një personel mjekësor dhe pajisje për të ndihmuar Portugalinë në frenimin e shpërthimit të COVID-19.
A400M kishte 24 mjekë gjermanë dhe dhjetëra pajisje ventilimi dhe IV.
Tetë mjekë do të kalojnë tri javë në një spital civil.
Sipas ushtrisë gjermane, ata ndoshta do të lehtësohen nga një ekip i dytë.
Ambasadori i Portugalisë në Gjermani, Francisco Ribeiro de Menezes, shprehu mirënjohjen e vendit të tij për ndihmën e dhënë në një kohë kur pandemia është në një fazë serioze dhe të vështirë, duke përmendur edhe frymën e solidaritetit europian.
Portugalia është goditur rëndë nga varianti i ri i COVID-19, i identifikuar për herë të parë në BM.
Sipas shoqatës mjekësore të vendit, radhë me deri në 30 ambulanca janë formuar jashtë spitaleve gjatë ditëve të fundit.
Mediet portugeze kanë raportuar se pacientët kanë kaluar net të tëra në ambulanca.
