Një shtëpi në Devon të Anglisë, që gjendet në një kthesë të rrezikshme, është kthyer në një pikë të zezë aksidentesh, pasi në 6 vitet e fundit ajo është goditur nga 21 automjete.
Aksidenti i fundit ka ndodhur mbrëmjen e së enjtes, ndërsa pronarja e shtëpisë është shprehur se ajo ka vendosur blloqe betoni për t’u mbrojtur, por sërish nuk ja ka dalë. “Tensionohemi gjithmonë kur dëgjojmë një automjet që po lëviz me shpejtësi. Jemi të frikësuar dhe në rrezik konstant”, është shprehur e zonja e shtëpisë.
Anëtarët e familjes akuzojnë autoritetet në Devon se nuk kanë marrë asnjë masë edhe pse ata e kanë ngritur problematikën dhe kanë kërkuar që të vendosen mbrojtëse në rrugë.
