Në një bashkëbisedim me gazetarët për situatën alarmante të Covid-19 në vend, kryeministri Edi Rama dhe ministria e shëndetësisë, Ogerta Manastirliu bënë të ditur se ka sinjale të arsyeshme se në vend kanë hyrë variantet e reja të Covid pa specifikuar raste konkrete.
Manastriliu tregoi se për të vërtetuar dyshimet e tyre po dërgojnë mostrat dhe analizat në laboratorin e Referencës në Berlin.
Gjithashtu ajo shtoi se numri i të rinjve të infektuar nga Covid-19 në Shqipëri është në rritje dhe bën apel të gjithë qytetarëve që të respektojnë masat e vendosura pasi vetëm kështu mund të parandalojnë shtimin e rasteve.
“Vërehet se në javët e fundit, në javën e 5-të të viti ka një trend të rasteve të larta së të infektuarëve. Një trend i cili sipas ekspertëve është i pritshëm i lidhur ngushtësisht me sezonin dimërore, me tendecën e grumbullimeve në ambiente të mbyllyra dhe të jashtme dhe me qarkullim, e mutacioneve të reja.
E para kemi dyshime të arsyeshme për qarkullimin e varianteve të reja në vend pasi vërehet një qarkullim më i madh i virusit te të rinjtë , kemi raste të ri-infektimeve një tjetër arsye e cila i dërgon ekspertët në dyshime të qarkullimit të varianteve të reja dhe sigurisht sa i përket dhe aspekteve të sinjaleve në laboratorin në Institutin e Shëndetit Publik ku vlerësojnë se kemi të bëjmë me këto dyshime të arsyeshme. Jemi në pritje dhe po dërgojmë mostrat dhe analizat e rradhës në laboratorin e referencës në Berlin, për të vërtetuar nëse këto dyshime tona do të rezultojnë të vërteta”, thotë Ministriliu.
