Partia Demokratike ka paraqitur një kërkesë pranë Komisionit Qëndror të Zgjedhjeve për tu regjistruar për zgjedhjet parlamentare të 25 Prillit.
Bashkë me PD-në, kërkesë për regjistrim në KQZ kanë paraqitur edhe këto parti: PR, LZHK, Aleanca Demokristiane, PAA, Partia Bashkimi Demokrat, Lëvizja e Re (LRE), PKD, Partia Aleanca Demokracia e Re, raporton Ora News.
Kërkesa e PD:
Mes aleatëve të demokratëve, bie në sy mungesa e LSI dhe PBDNJ, që ende nuk kanë bërë kërkesë për regjistrim, ndërsa Legalistët dhe PDIU janë regjistruar tashmë në KQZ.
Ndërkohë afati i regjistrimit për partitë politike është data 15 shkurt. Partitë duhet të deklarojnë marrëveshjet për koalicion deri në këtë datë.
Partitë e regjistruara deri tani:
- Partia Drejtësi, Integrim dhe Unitet Shpëtim Idrizi
- Bindja Demokratike Astrit Patozi
- Lëvizja për Ndryshim Jozefina Topalli
- Lëvizja Demokratike Shqiptare Myslym Murrizi
- Ora e Shqipërisë Zef Shtjefni
- Aleanca Demokratike Shqiptare Eduart Abazi
- Lëvizja e Legalitetit Shpëtim Axhami
- Balli Kombëtar Adriatik Alimadhi
- Partia Emigracioni Shqiptar Kostaq Papa
- Partia e Reformave Demokratike Krenar Rryçi
Kandidatët e pavarur:
- Pal Shkambi I pavarur, Shkodër
- Plarent Aleksi I pavarur, Berat
