Kosova pas 5 ditësh mban zgjedhjet e përgjithshme të parakohshme, por qeverisë Hoti do t’i duhet ta çojë deri në fund zgjidhjen e fatit të luanit që mbahet në kushte të këqija në Gjakovë.
Kjo sidomos pasi për fatin e tij është interesuar posaçërisht, Raportuesja për Kosovës në PE, Viola con Cramon pas apelit të ëprsëritur të organizatës ndërkombëtare për mbrojtjen e kafshëve Four Paës.
Ndaj sot, Ministri i Ambientit i Kosovës, Muharrem Nitaj e ka falenderuar zonjën von Cramon për interesimin për fatin e luanit që mbahet në kushte jo të mira në Gjilan dhe e ka njoftuar se ai do të transferohet në nëj shtet tjetër por nëpërmjet Shqipërisë, për disa arsye ligjore dhe konventash ndërkombëtare.
Shkresa e plotë e Ministrit Nitaj:
E mirëpres interesimin e Raportueses për Kosovën në Parlamentin Evropian, Viola von Cramon, lidhur me fatin e luanit “Gjoni”, që tash e një kohë mbahet në kushte joadekuate në Gjilan.
E njoftoj opinion publik dhe znj. Von Craemon që Ministria që drejtoj i ka ndërmarr të gjitha hapat e nevojshem ligjorë për lirimin dhe transferimin e tij në një vend ku luani “Gjoni”, do të trajtohej në përputhje me normat e kërkuara.
Tashme kemi një vendim të Gjykatës për sekuestrimin dhetransferimin e tij në një vend tjetër, por fatkeqësisht Kosova nuk është nënshkruese e Konventës CITES për qarkulli ndërkufitar të llojeve të kafshëve, ndaj kemi kërkuar nga autoritetet e Shqipërisë që të mundësojnë transferimin e luanit “Gjoni” përmes shtetit shqiptar, prej nga dhe është kontrabanduar në Kosovë.
Jam në bashkëpunim të ngushtë me Ministrin shqiptar, Klosi, dhe me Ambasadën e Republikës së Shqipërisë në Prishtinë dhe jemi në pritje të përfundimit të dokumentacionit t nevojshëm nga shteti shqiptar që kjo çështje të mbyllet.
Shpreh keqardhjen që një problem kaq i lehtë ka kërkuar kaq shumë kohë për t’i gjetur zgjidhje, kjo edhe për shkak të pengesave që ka shteti i Kosovës në raport me konventat e caktuara.
Njëkohësisht shpreh mirënjohjen time për Fondacionin “Four Paws” që ka shprehur gatishmërinë që të merr përsipër organizimin e transportit të luanit “Gjoni”, nga Kosova në një vend të tretë, në këtë rast në Holandë. Sinqerisht, Muharrem Nitaj, Ministër i Ekonomisë dhe Ambientit.
© SYRI.net
