Një nga liderët e Hamasit, Khaled Meshal, u intervistua nga një gazetare e një televizioni të Emirateve, Rasha Nabil, e cila shtroi mjaft pyetje që vunë në vështirësi drejtuesin e Hamas.
“Sulmi juaj ishte një shpallje lufte dhe shumë njerëz pyesin se si prisnit që Izraeli të reagonte? E morët këtë vendim vetëm?” e pyet gazetarja.
Meshal shpjegon se Hamasi është “i vetëdijshëm për pasojat” e sulmit kundër Izraelit, por lëvdon Brigadat al-Qassam (krahu ushtarak i Hamasit) për “kapjen e armikut në befasi” me një sulm “të zgjuar” që ndodhi “në kontekstin e rezistencës legjitime”
Nabil, megjithatë, e ndërpret atë dhe specifikon: “Ju flisni për rezistencë legjitime, por ajo që perëndimorët panë në TV ishte dhuna e Hamasit kundër civilëve izraelitë . Dhe tani Hamasi po krahasohet me ISIS-in”.
Dhe më pas përsërit: « Si mund t’i kërkoni Perëndimit mbështetje për çështjen palestineze, kur është e qartë se çfarë u bëri Hamasi civilëve izraelitë? A e dini se Izraeli mori shumë mbështetje falë këtyre skenave? A do të kërkosh falje për atë që u bëre civilëve izraelitë?”
Udhëheqësi i Hamasit shpjegon se organizata “e përqendron rezistencën e saj tek forcat pushtuese dhe ushtarët”, duke shtuar megjithatë se në të gjitha luftërat ka viktima civile: “Ne nuk jemi përgjegjës për to”. Corriere della Sera
