Është pyetja për të cilën të gjithë dëshirojnë një përgjigje të qartë dhe ka dalë në konferencën e qeverisë së sotme në Mbretërinë e Bashkuar.
Anëtarët e publikut lejohen të paraqesin pyetje në konferencë dhe Ashley në Yorkshire pyeti nëse njerëzit mund të kapen dy herë nga virusi që shkakton Covid-19.
Dr. Harries, nëndrejtoresha e Mjekësisë për Anglinë u përgjigj: “Pozicioni i OBSH-së (Organizata Botërore e Shëndetit) është shumë e ngjashme me atë që do të kishim, e cila në thelb thotë se ne në fakt nuk kemi akma informata të mjaftueshme për të qenë shumë të qartë për statusin imunitar.
“Ne e dimë që disa njerëz do të kenë status të ndryshëm. Ne normalisht do të presim që të shohim ndonjë shenjë imuniteti rreth 10-12 ditë pas një infeksioni, dhe pastaj një model shumë të qëndrueshëm rreth 28 ditë.
Ajo shtoi: “Ndonjëherë ka një vonesë te individë të ndryshëm dhe ne duhet ta studiojmë këtë me kujdes, ndërsa ecim përpara. Politika jonë e testimit dhe zhvillimi i testeve të reja të antitrupave do të na ndihmojnë ta bëjmë atë.” (BBC)
