Lufta në Ukrainë duket se ka kaluar një fazë kyçe, me Kievin që numëron fitore pas fitoreje, rimarrë në kontroll territoret në Kherson dhe Kharkiv, dhe me Moskën po përjeton humbje të konsiderueshme.
Me zhvillimet që kanë krijuar një sfond të ri, një deklaratë nga Kremlini është tregues i qartë për situatën mbizotëruese në të cilën ukrainasit kanë rimarrë mbi 6000 kilometra katrorë .
Sipas një përfaqësuesi të Vladimir Putin, siç shkruan Neë York Times, asnjë plan i ri ushtarak nuk po diskutohet aktualisht në Ukrainë.
Gjithashtu, vlen të theksohet se ndryshimi i rezultatit të konfliktit është reflektuar edhe në faktin se trupat ruse janë dorëzuar, siç shkruajnë mediat ndërkombëtare, ndërsa një numër i madh i ushtarëve rusë në vend që të luftojnë, kanë lënë armët.
Në të njëjtën kohë, një këshilltar i presidentit ukrainas pohoi se ushtria ka kapur kaq shumë ushtarë rusë ditët e fundit sa nuk ka vend për t’i strehuar ata.
Raportet që vijnë nga Ministria e Mbrojtjes e Ukrainës tregojnë se në total janë vrarë 53,000 ushtarë rusë.
A është vërtet e kërcënuar qeveria e Putinit?
Strategjia e Perëndimit, furnizimi i Ukrainës me armë në këtë fazë të veçantë të luftës funksionon. Por nuk është e qartë se qeveria e Putinit është me të vërtetë nën kërcënim, pjesërisht sepse jeta për elitat në Moskë nuk ka ndryshuar shumë, edhe pse lufta shpërthen në pragun e Ukrainës, duke vrarë mijëra dhe duke i dhënë një goditje të rëndë ekonomisë globale.
“Shumë pak gjëra duket se kanë ndryshuar në jetën e përditshmë në Moskë, ku njerëzit kanë burimet financiare për të përballuar rritjet e konsiderueshme të çmimeve, ndryshe nga pjesa tjetër e vendit. “GUM”, një qendër tregtare luksoze pranë Sheshit të Kuq, është plot me konsumatorë… dhe restorantet dhe teatrot po kalojnë periudha të artra.
Rrugët e Moskës janë ende të mbushura me makina luksoze si Lamborghini dhe Porshe ,” raporton Valerie Hopkins nga New York Times.
Gjithmonë ekzistonte frika se Putini mund të shtypte butonin e “kuq” për të aktivizuar arsenalin e tij bërthamor.
Ai gjithashtu mund të urdhërojë trupat ruse “të tërhiqen në më shumë linja mbrojtëse”, argumentoi Michael Kofman i CNA në NatSec Daily, ose ai mund të “vazhdonte me një mobilizim të pjesshëm dhe të miratojë pa fund politika për luftë.”
Sigurisht, është e paqartë nëse Putini do të zgjedhë njërën nga këto opsione, diçka më të rëndë, apo nëse do të qëndrojë siç është.
Çfarëdo që ai të bëjë, megjithatë, nuk duhet të forcojë skenarët e ndryshimit të pushtetit, të paktën tani për tani, megjithëse planet e emergjencës janë në fuqi në çdo kohë.
I forti i Kremlinit përballet me një sfidë tjetër: deputetët në 18 rrethet e Moskës dhe Shën Petersburgut i kanë bërë thirrje të japë dorëheqjen. Apeli u publikua nga këshilltarja komunale e rrethit Semyonovsky të Shën Petersburgut, Ksenia Tortsyom.
