Abetarja e re mbarëkombëtare nis rrugëtimin e saj, fillimisht nga Kosova. Në ditën e parë të vitit të ri shkollor kryeministri Albin Kurti dhe ministria e arsimit të Shqipërisë Evis Kushi prezantuan nga Gjakova tekstin e njësuar për fëmijët e klasave të para.
Por dita e parë e shkollës në Kosovë ka qenë e pazakontë. Në të gjithë territorin e vendit asnjë shkollë nuk I ka hapur dyert për nxënësit.
Shkak është bërë bojkoti dhe greva e mësuesve në mbarë vendin. Prej kohësh sindikata e arsimit kërkon rritjen e pagave me 100 euro si dhe shtim të stafit të arsimtarëve.
Ndërkohë në Shqipëri, Abetarja e re mbarëkombëtare ende nuk ka nisur shpërndarjen, pasi viti shkollor nis në 12 shtator.
