Presidenti i Autoritetit Palestinez, Abu Mazen, ka reaguar ashpër ndaj vendimit të Shteteve të Bashkuara për të pezulluar vizat për anëtarët e Organizatës për Çlirimin e Palestinës (OÇP) dhe Autoritetit Palestinez (AP).
Në një deklaratë të lëshuar nga zyra e tij, Abu Mazen e cilësoi këtë masë si “në kundërshtim me të drejtën ndërkombëtare” dhe i kërkoi Shtëpisë së Bardhë që “të rishqyrtojë vendimin e saj”.
Kjo deklaratë shënon një thellim të përplasjes mes Uashingtonit dhe udhëheqjes palestineze, sidomos para Asamblesë së Përgjithshme të OKB-së, ku pritet që shumë vende të njohin zyrtarisht shtetin palestinez.
