Eftuar në pjesën e parë të emisionit “Pardon My French” sot ka qenë Vicky Baftiri, një gazetare e suksesshme shqiptare që ka rrëmbyer shumë çmime për aftësitë e saj profesionale. Së fundmi ajo ka intervistuar edhe Dua Lipën dhe momenti kur komunikuan shqip të dyja u bë mjaft viral në rrjetet sociale.
Karrierën e saj e ka filluar në edicionin e lajmeve në vitin 2006 në WGN-TV. Më pas ka kaluar në NBC Universal, ku ka punuar në programe mbi stilin e jetesës. Më pas në CBS News në Çikago. Ajo është gjithashtu fituese e çmimit Emmy Award. Vicky ka intervistuar personazhe dhe shumë figura të njohura si Barack Obama, Kanye West, Donald Trump, Eric Trump dhe Ivanka Trump, Rita Ora, Jimmy Carter.
Për të arritur aty ku është sot Vicky tregoi se prindërit e saj janë përpjekur shumë që fëmijët të rriteshin, të shkolloheshin dhe të kishin sukses.
Është shumë e vështirë që të hysh në këtë fushë dhe karrierë. Në fillim hyra në WGN-TV për gjashtë muaj për një intership dhe pastaj ata më thanë që të punoja me ta. Është edhe fat por edhe punë sepse në atë moment kishte një gjyq për korrupsion me kryetarin e shtetit dhe ju duhej një gazetar. Mendoj që ajo koha ishte fat për mua dhe kam punuar shumë rreth 70-80 orë në javë. Kur më shikonin kolegët më thonin ‘Fle këtu ti?’.
Advije Baftiri është e martuar gjtihashtu me një djalë shqiptar dhe ka dy vajza. Në lidhje me këtë gazetarja theksoi se:
Unë jam shumë krenare që jam shqiptare dhe të kesh burrin shqiptar sepse i kam shumë qejf traditat e Kërçovës. Fëmijët të dinë traditat dhe gjuhën tonë dhe pse unë nuk e flas shumë mirë.
Gazetarja tregoi se, edhe pse ka lindur në New York, ajo është munduar të ruajë traditat dhe të mos e harrojë gjuhën shqipe.
