Federata e Futbollit e Kosovës (FFK) do ta mbajë sot (e mërkurë) Kuvendin Zgjedhor me fillim nga ora 11:00 në objektivin ku operon dhe Telegrafi do t’ju mbajë të informuar në kohë reale për të gjitha zhvillimet.
Pas shumë zhurmave, paqartësive dhe kontestimeve, Kuvendit Zgjedhor të FFK-së i ka ardhur dita.
Ky Kuvend pritet të mbahet sot (e mërkurë) me fillim nga ora 11:00 në objektet e FFK-së.
Kandidat i vetëm për kryetar do të jetë kryetari aktual, Agim Ademi, pasi kundër-kandidati i paralajmëruar Gramoz Vokrri nuk u licencua nga bordi i verifikimit të FFK-së, ndërsa më vonë edhe Gjykata Themelore e Prishtinës refuzoi ankesën e tij.
