Plot rrëfime ekskluzive dhe ngjarje historike ishte intervista e Frederik Ndocit përballë Ermal Peçit në ‘Më prit në fundjavë’. Artisti u emocionua teksa shikonte në program disa dalje të tij në Festivalet para viteve ’90, kohë ku edhe u ndalua rrugëtimi I tij artistik.
Duket se edhe sot Frederiku ja ka lënë zotit ndëshkimin për ata që u përpoqën të ndalonin artin e tij gjatë komunizmit. Ai I tha Ermalit se sot e kësaj dite ende s’kupton ata që morrën vendime fatale dhe justifikohen me shprehjen ‘ashtu ishte sistemi’.
Mes kujtimeve Frederik Ndoci rrëfeu se po në studion ku Ermali xhiron programin ai dikur ishte ndaluar nga policia pasi kishte thyer urdhërin për ndalimin e tij, e se pa leje kishte ardhur nga Shkodra drejt televizionit.
Së fundmi Ndoci u pa në fushatën politike të Benet Beci për të cilin tha: ‘Në demokraci gjëja më e rëndësishme është rrotacioni. Me vinin sms nga shkodranët qe ishin demokratë e donin ndryshimin. Me Benetin njihem familjarisht’.
Ermali e pyet edhe për një dalje të tij publike me Becin e Luiz Ejllin. ‘Luizi ishte më I miri, jo niveli I atyre që ishin pjesmarrës. Pjesmarrësit në lojë s’kishin ndonjë ngritje intelektuale, unë do futesha në shtëpi nëse aty do kishte njerëz intelektualë. Jo si këta këte vit’.
Shpesh për artistët dinamikë e energjike njerëzit kanë aluduar se përdorin lëndë narkotike. Ndoci u shpreh: ‘Kërsheria të con ta provosh. Unë kam bërë dy tre prova por s’kam pas nevoje më tej. Droga ime është muzika’
