Një aksident ka ndodhur në autostradën greke Igumenica- Preveza, ku si pasojë e përplasjes së dy makinave kanë mbetur të vdekur 4 persona.
Fotot nga aksidenti tregojnë se përplasja ka qenë e fortë, aqsa makinat janë shkatërruar plotësisht.
Në njërën prej makinave ndodheshin 3 të rinj, dy djem grekë në moshat 19 e 23 vjeç si dhe një 19 vjeçare shqiptare. Në makinën tjetër humbi jetën drejtuesi i saj, një burrë në moshën 70 vjeçare.
Policia ka nisur hetimet për rastin, me qëllim zbulimin e rrethanave të aksidentit.
