Dymbëdhjetë persona kanë humbur jetën dhe disa të tjerë janë plagosur si pasojë e daljes nga rruga të një autobusi dhe përplasjes së tij në një kanal, në veriperëndim të Kroacisë.
Radio Evropa e Lirë raporton se aksidenti ka ndodhur në orën 05:40 të mëngjesit të së shtunës dhe autobusi ka targa polake, ka thënë policia.
Ministri kroat i Punëve të Brendshme, Davor Bozhinoviq, ka konfirmuar se edhe një person ka vdekur në spital dhe se numri i të vdekurve në aksident tani është dymbëdhjetë.
Fillimisht ishte raportuar për 11 persona të vdekur.
Sipas Reuters dymbëdhjetë persona humbën jetën dhe 31 u plagosën, 18 prej tyre në gjendje të rëndë.
Autobusi polak ishte i mbushur me pelegrinë fetarë rrëshqiti nga rruga dhe u rrëzua pranë Varazhdinit në Kroacinë veriperëndimore herët të shtunën, thanë autoritetet.
