“Akullnaja e apokalipsit” ndodhet në Antarktidën Perëndimore dhe ka marrë pseudonimin e saj katastrofik sepse rënia e saj mund të shkaktojë një rritje gjigante të nivelit të detit. Kjo është akullnaja Thwaites. Një studim i ri paralajmëron se pseudonimi i tij mund të bëhet i vërtetë, pasi po shkrihet me shpejtësi të madhe dhe në mënyrë krejtësisht të papritur.
Sipas dy raporteve shkencore të publikuara në revistën “Nature”, kjo masë e madhe akulli me përmasat e Floridës është në rrezik serioz pasi poshtë saj janë gjetur “formacione të habitshme”. Mbi to ka një platformë gjigante prej akulli që shërben si tapë, duke ankoruar akullnajën në tokë.
Kjo strehë gjeologjike, e cila është një mbrojtje shumë e rëndësishme kundër rritjes së nivelit të detit, po shkrihet. Megjithëse shpejtësia me të cilën shkrihet akullnaja është e ngadaltë, çarjet dhe “formacionet” që paraqet platforma e bëjnë atë shumë më të shpejtë. Shkaku janë ndryshimet klimatike dhe rritja e temperaturave të oqeanit.
Kjo situatë është veçanërisht shqetësuese në pikën ku akullnaja takohet me shtratin e detit, i cili është tërhequr rreth 14 kilometra që nga fundi i viteve ‘90. Si pasojë, një pjesë më e madhe e akullit është ekspozuar ndaj ujërave relativisht të ngrohta të Antarktidës.
Nëse shkrirja e Thwaites do të jetë e plotë, rritja e nivelit të detit do të ishte më e madhe se 70 centimetra. Kjo do të mjaftonte për të përmbytur rajonet bregdetare të të gjithë planetit. Nuk mbaron me kaq. Nëse shkrirja e “Akullnajës së apokalipsit” i shtohet shkrirjes së shkaktuar nga akulli rrethues, mbi të cilin ajo vepron si një digë natyrore, rritja e nivelit të detit mund të arrijë 3 metra.
A ka zgjidhje? Ky efekt mund të marrë mijëra vjet, por ka faktorë, kryesisht situata klimatike, që përshpejtojnë shpërbërjen e kësaj akullnaje.
Pavarësisht këtij sigurimi natyror dhe largësisë, Peter Davis, një oqeanograf në Antarctic Survey Britanic, siguron se “pasojat e asaj që ndodh në Thwaites do të ndikojnë në të gjithë botën”.
