Ron Domi, i njohur edhe si Alex Brussels është një 21-vjeçar që ka vënë në alarm autoritetet britanike pasi është në listën e pesë më të kërkuarve sepse akuzohet për përdhunimin e një të miture. Mediat britanike shkruajnë se autoritetet janë të gatshëm të ofrojnë një shpërblim prej 5 mijë paundësh kundrejt çdo personi që jep informacione në lidhje me vendndodhjen e shqiptarit.
“Këta individë të kërkuar kanë arritur t’i shmangen drejtësisë për një kohë të gjatë. Janë rrezik dhe duhen gjetur. Këta të arratisur mund të jetojnë ose fshihen pranë jush, kështu që nëse njihni ndonjë prej tyre, ju lutemi na kontaktoni urgjentisht. Nëse jeni të interesuar për një shpërblim deri në 5000 £, kërkoni një kod unik shpërblimi kur të kontaktoni bamirësinë tonë”, deklaroi drejtori i operacioneve të Crimestoppers, Mick Duthie.
Kushdo që ka informacione mbi vendndodhjen e tij, mund të kontaktojë policinë në numrin 999, duke cituar numrin e referencës 40/61577/22. Ju gjithashtu mund të telefononi Crimestoppers në mënyrë anonime në 0800 555 111
