Nigel Farage ka pohuar se llogaritë e tij bankare janë mbyllur “pa shpjegim”.
Ish-udhëheqësi i UKIP, 59 vjeç, tha se kishte qenë me nje grup “prestigjioz” bankar – të cilin ai nuk e përmendi – për më shumë se 40 vjet.
Megjithatë, ai tha se kishte marrë një letër nga banka për t’i thënë atij se llogaritë e tij personale dhe të biznesit po mbylleshin.
Ai pretendoi se banka nuk kishte dhënë asnjë shpjegim në letër për arsyen e mbylljes.
Në një video gjashtë-minutëshe të postuar në Twitter, Farage, ish-lideri i Partisë Brexit, tha se humbja e llogarisë së tij bankare ishte e barabartë me të qenit një “jo egzistencial” dhe se vendimi mund të “ndikojë thelbësisht në jeten dhe karrierën time.
Ai gjithashtu pohoi në videon e tij se “i vetmi shpjegim që mund të mendoj” për vendimin ishte një pretendim i bërë nga deputeti laburist Chris Bryant në Dhomën e Komunave se Farage kishte marrë rreth 550,000 £ nga kanali televiziv RT i mbështetur nga Kremlini.
Farage ka mohuar kategorikisht pretendimet e z. Bryant – të cilat janë bërë nën mbrojtjen e privilegjit parlamentar dhe të cilat ai nuk i ka përsëritur jashtë Komunës.
“E vërteta është se unë kurrë nuk kam marrë para nga ndonjë burim me ndonjë lidhje me Rusinë,” tha zoti Farage.
