Temperatura mesatare globale e planetit po shkon drejt një rritjeje prej 1.5 gradësh nga nivelet paraindustriale gjatë pesë viteve të ardhshme. Kjo del nga një raport mbi klimën i përgatitur nga Organizata Botërore Meteorologjike. Agjencia e Kombeve të Bashkuara shpjegon se të paktën një vit midis 2021 dhe 2025 ka “një shans prej 90% të bëhet më i nxehti i regjistruar ndonjëherë”.
Është gjithashtu e mundur që midis viteve 2021 dhe 2025 rajonet më të lartë dhe shkretëtirat afrikane të jenë më të lagësht, që të ketë një gjasë më të madhe të cikloneve tropikale në Atlantik. “Rritja e temperaturave nënkupton më shumë shkrirjen e akullit, nivelet më të larta të detit, më shumë valë të nxehtësisë dhe kushte të tjera ekstreme të motit dhe ndikime më të mëdha në sigurinë e ushqimit, shëndetin, mjedisin dhe zhvillimin e qëndrueshëm”, kujton sekretari i përgjithshëm i Wmo, Petteri Taalas, i cili thekson se është një zile tjetër alarmi që bota duhet të angazhohet për uljen e emetimeve të gazrave serë.
Në vitin 2020 temperatura mesatare globale ishte 1.2 gradë mbi vijën e referencës dhe u theksua se si po rriten fenomenet ekstreme të motit, me përkeqësimin e pasojave në zhvillimin socio-ekonomik.
Marrëveshja e klimës në Paris synon të mbajë rritjen mesatare globale të temperaturës nën 2 gradë, por shfaqet, me një nivel të lartë saktësie shkencore, se ne po i afrohemi pashmangshmërisht një objektivi më të ulët”, thuhet në raport.
